Isinapubliko na ng Palasyo ng Malacañang ng appointment paper ni Lt. General Benjamin Madrigal Jr. bilang susunod na Chief of Staff ng Armed Forces of the Philippines o AFP.
Ito ay kapalit ni outgoing Chief of Staff Carlito Galvez Jr. na magreretiro sa December 12.
May petsang December 5 ang endorsement letter ni Pangulong Rodrigo Duterte para kay Madrigal at ito ay ibinigay kay Defense Secretary Delfin Lorenzana.
Matatandaan na sinabi ni Pangulong Rodrigo Duterte na gusto niyang italaga bilang Presidential Adviser on the Peace Process si General Galvez kapalit ng nagbitiw na si Secretary Jesus Dureza pero wala pang malinaw detalye kung pormal na ba itong inalok ni Pangulong Duterte.
Kasabay nito ay inilabas narin ng Malacañang ang appointment paper o endorsement paper ni Pangulong Duterte para kay Lt. General Rozzano Brigues na siyang uupong Commanding General ng Philippine Airforce kapalit ni General Galileo Gerard Kintanar.
