Davao City – Walay namonitor nga presensya sa mga miembro sa ISIS-Maute Terror Group matud pa dinhi sa tibuok Davao Region human adunay napatay nga bomb expert sa ISIS-Maute didto sa General Santos City.
Sa gipahigayong AFP-PNP Presscon karong adlawa, gibutyag ni Eastern Mindanao Command (EASTMINCOM) spokesperson Maj. Gen. Ezra Balagtey nga kanunay nila’ng ginapugnang ang spillover sa terrorismo dinhi sa rehiyon pinaagi sa padayong koordinasyon sa Western Mindanao Command ug Philippine National Police (PNP).
Gipasabot ni Balagtey nga padayon ang recruitment sa maong grupo gani nakasulod kini sa General Santos ingon man duol usab kini sa Central Mindanao kung asa sila nag gikan.
Dugang ni 10th Infantry Division Philippine Army spokesperson Capt. Jerry Lamosao nga mamahimong bulnerable ang usa ka lugar sa kabukiran gumikan sa tactical evacuation nga ginahimo sa mga komunista’ng grupo diin sila matud pa nagapakalat og mali nga impormasyon aron dauton ang grupo sa kasundaluhan.
Gani, giklaro sa pareho’ng tigpamaba nga walay harassment ug military encampment ang nagapanghitabo sa kabukiran.
RadyoMaN Jason Amisola
