Davao City – Gikatakdang mahuman ug operational na karong Huwebes ang usa sa mga Isolation facilities sa Davao International Airport.
Sumala ni Civil Aviation Authority of the Philippines (CAAP) Davao Airport Manager Rex Obcena, magsilbi kining holding area sa mga pasahero nga magpaabot sa resulta sa ilahang RT-PCR test.
“Isolation facility, duha ni siya didto sa old airport, sa old terminal building ug along CP Garcia Highway. Expected karong Thursday (operational ang along the Highway nga isolation facility),” matud ni Obcena.
Sumala sa DPWH XI, ang Isolation facility sa CP Garcia Highway adunay 20 air-conditioned megatents ug napulo ka kwarto matag-tent nga adunay kaugalingong banyo ug makaakomodar sa 200 ka tawo samtang 100 ka tawo sab ang maakomodar sa old airport terminal.
RadyoMaN Aimee Guinita
