Zero admission na ang isolation facility sa Tacurong City subong nga adlaw tungod sa pagnubo na sang kaso sang COVID-19 sa syudad base sa datos sang City Health Office (CHO).
Suno sa CHO tanan nga naadmitir nga mga pasyenti sa Crown-V Center ang nag-ayo na kag nadul-ong na papauli sang lokal nga panggobyerno sa ila tagsa ka mga puluy-an.
Nahibaluan nga ang Crown-V Center ang nagapanguna nga isolation facility sang Tacurong nga nagabaton sang mga pasyente nga nagpositibo sa COVID-19 nga asymptomatic ukon may-yara sang mild symptoms.
Padayon naman ang pag-awhag sang LGU sa publiko sa pagsunod sa mandatory health protocols kag magpabakuna kontra COVID-19.
Facebook Comments
