iFM Laoag – Kalepleppas laeng ti maysa a courtesy call ni Israelli Ambassador to the Philippines, Rafael Harpaz, iti City Mayor’s Offfice iti Laoag City Hall ita nga aldaw Sept. 3, 2019.
Inlungalong ni Ambassador dagiti kalikagomna a maiburay ditoy pagilian kangrunaanna ditoy probinsya ti Ilocos Norte a mangi-promote ti kooperasion kangrunaanna iti biang ti agrikultura ken teknolohiya, kas iti water irrigation ken technological services a ‘waze’ a daytoy ket mangipaay ti guide wenno pannakaiturong ti dalyasaten a daldalan.
Napalaus ti panagyamanna kadagiti Pilipino, saan laeng a ti nangtagabi dagiti annakna a taga Cabungaan, Laoag City nu di ket pati iti panangraemda kenkuana iti iyaayna ditoy pagilian. Kinunana nga adu dagiti Pilipino nga adda iti pagilian da nga Israel nga agadadal iti ‘agricultural technologist’ angem agsiddaaw daytoy ta awan taga Ilocos Norte, isu a palukona nga inawisna amin dagiti Ilocano a mapan idiay tapnun maexpiriensiada met ti kabibiagda. Nagyaman pay daytoy ken ni Laoag City Mayor Michael Marcos Keon iti lideratona a mangipapaay serbisyo iti siudad.
Inrakurak iti Ambassador a sipud a nagkinnamayyet ti Israel ken ti Pilipinas ket iti administrasion ti dati a Presidente Manuel Quezon. Kabayatan ti pinagpakada ti Ambassador inbatad met ni City Mayor a plano ti Israelli Ambassador ti papanna iti Mariano Marcos State Univesity a mangiburay dagiti idelohia ken kapanunotanna iti paylaeng adbokasiana a kooperasion iti agrikultura ken teknolohia.
Immatendar met dagiti nagduduma nga opisyales iti Laoag City Hall ken dagiti nagduduma a department heads iti City Social Welfare, City Agriculturist, DILG Office, Engineering, HR ken dadduma pay.
Joe Anne Agustin, RMN News
