Gireklamo sa grupo sa mga mananagat sa lungsod sa Nasipit ang program sa kagamhanan kalabot na sa fish sanctuary sa coastal area sa Punta Nasipit.
Sumala pa sa pahayag, gihikawan sa opisyal sa lungsod ang mga mangingisda nga makapanagat human gidili na ang pagpangisda.
Giyab-an sumala pa sila ug bugasan sa lungsod hinungdan nga nagpatabang ang maong grupo sa “ GABRIELA”.
Apan sumala pa ni Mayor Enrico Corvera sa Nasipit, miagi sa insaktong pagtoon sa Bureau of Fisheries and Aquatic Resources (BFA) adesir nadesisyonan nga himoong fish sanctuary ang 40 ka ektaryang kadagatan sa brgy. Punta, Nasipit Agusan del Norte.
Sigun ni Mayor Corvera nga gisalum sa mga divers sa BFAR ang kadagatan ug nasuta nga pwedi kining butangan ug coral refs’ sukwahi sa gibutyag sa mga nisupak nga bonbonon ang ilalum sa dagat ug matabonan lang ug balas ang ibutang mga mga corals ug pyramid.
Dugang pa ni Mayor Corvera nga aprobado na ang maong proyekto ug adunay pagtugut niini ang mga mananagat sa lugar subay sa gihimung public consultation.
Important nga mahimung fish sanctuary ang 40 ka ektaryang dagat aron palamboon ang produksyon sa isdang tamban sa lungsod sa Nasipit.
Gisalikway usab sa Mayor ang reklamo sa mga mananagat nga mawad-an sila’g panginabuhian tungod sa fish sanctuary gumikan kay lapad pa ang municipal waters sa lungsod sa Nasipit nga mahimu nilang panagatan.
Kung mao pangutan-on, ipadayun ang proyekto o ihunong?
