Istriktong pagpatuman sa curfew, hugtanong gimando ni Mayor Cañosa sa kapolisan sa Gingoog City

37

Gimando karon ni Gingoog City Mayor Eric Cañosa sa kapolisan ang strikto nga pagpatuman sa curfew.

Kini human ang sunod sunod nga insidente sa kasong rape o pagpanglugos.


Nasayran nga gimanduan ni Mayor Cañosa ang kapolisan uban sa City Social Welfare and Development kon CSWD, nga magpahigayon og pagsagop sa mga menor de edad nga makita sa kadalanan, oras sa pagpatuman sa curfew hours.

Sa matag menor de edad nga masagop, ibutang kini sa shelter ug kasuhan ang mga ginikanan nga nagpasagad sa ilang mga anak.

Kini pinaagi sa pagpasagad sa paglakaw-lakaw sa  kadalanan dis oras sa kagabhion.

Nasayran nga mahimo lamang exempted  ang mga maglatagaw nga kabataan, kung kauban niini ang ilang mga ginikanan.

Kini nga sistema usa ka pamaagi aron malikayan ang mga dautan nga panghitabo sa mga menor de edad sa syudad sa Gingoog.

 

 

Facebook Comments

From Advertisers