Na critical el condition del un security guard despues este ya tira su mismo cabesa amediante del confrontation conele el su anac na barrio hall del Divisoria enantes aga.
El victima amo si Gamalien Genabia y Velocillo, 44, casao.
Asegun con Aida Puchay, barangay kagawad, tiene confrontation si Gamalien y su mismo anac edad de 19 año por el abuso physical.
Amediante del diila confrontation, ya pidi permiso si Gamalien para sale unrato afuera del barangay hall para mia.
Pero ya anda este na su motorsiclo parao serca na barangay hall y ya saca su 45 pistola ybya tira su mismo cabesa.
Cuando ya tumba si Gamalien ya saca tamen su anac ombre con el pusil y ya precura era ataka consu ermana adentro del barangay hall junto con Puchay y diila Nana pero ya puede afasigua con este el maga tanod.
Ya lleva na hospital con Gamalien na critical el condition.
Mientras el pusil baho ya na custodia del pulis.
