CAUAYAN CITY — KINILALA ANG ISABELA STATE UNIVERSITY–CAUAYAN CAMPUS BILANG ISA SA MGA NOMINEE SA SHARED SERVICE FACILITIES (SSF) TOP PERFORMER AWARDS NG DEPARTMENT OF TRADE AND INDUSTRY (DTI) REGION 2.
BAHAGI ANG PRESTIHIYOSONG PAGKILALA SA 3RD REGIONAL MSME SUMMIT CUM ONE DTI SERVICES CARAVAN SIMULA HULYO 8–9, 2025, SA NUEVA VIZCAYA CONVENTION CENTER, BAYOMBONG.
NAPABILANG ANG ISU-CAUAYAN SA PILING INSTITUSYONG PINARANGALAN SA MAHUSAY NA PAGGAMIT NG SSF PROJECTS PARA PALAKASIN ANG TEKNIKAL NA KAKAYAHAN, MAKAPAGHATID NG SUPORTA SA MGA RURAL BUSINESSES, AT ITAGUYOD ANG LOKAL NA INDUSTRIYANG NAKABATAY SA AGHAM AT PANANALIKSIK.
LALAHOK ANG MGA KINATAWAN NG PAMANTASAN SA MGA TALAKAYAN, EXHIBIT, AT SEREMONYA NG PAGKILALA SA MGA NATATANGING MSME PROGRAMS SA BUONG REHIYON.
LAYUNIN NG PAGTITIPON NA PALAKASIN ANG SUPORTA PARA SA MGA MALILIIT NA NEGOSYO AT PASIGLAHIN ANG INOBASYON SA REHIYON SA ILALIM NG TEMANG “ASENSO NEGOSYO, ANGAT KABUHAYAN: BAGONG PILIPINAS.”
