General Santos City–Gikumperma ni Police Supt. Celestino Daniel, hepe sa Isulan Municipal Police Station nga sa karon aduna nay silay 2 ka person of interest nga responsabli sa pagbusikad sa bomba sa Isulan, niadtong Martes sa gabie, nga gikamatay sa duha ka biktima ug pagkaangol sa 35 ka mga tawo.
Sumala ni Supt. Daniel nga sa karon dili pa nila mabutyag ang ilhanan sa duha ka mga suspetsado.
Apan pila ka adlaw gikan karon gilauman nga sila magpagawas ug cartographic sketch sa duha ka mga suspek.
Sa karon nagpadayon pa ang manhunt operation nga ginapahigayon sa kapulisan sa lungsod batok sa mga suspetsadong responsabli sa krimen.
Facebook Comments
