General Santos City–fake news ang mga report nga matud pa dunay opisyal sa gobyerno sa syudad nga nang abogar sa small town lottery kon STL, kini ang gibutyag ni Gensan City Councilor Jeng Gacal.
Sumala niini nga sa kasamtangan wala man syay nadungog nga dunay mga kaubanan niining konsehal nga mihangyo kanila nga aprobahan ang operasyon sa STL sa syudad.
Sa kasamtangan nahuman na ang public hearing bahin sa STL apan wala pa niini na schedule alang sa second reading, pasabot nga taas pang panahon ang ilang igahin alang sa paghisgot kung tugutan ba o dili ang operasyon sa STL sa syudad.
Dugang pagbutyag ni konsehal Jeng Gacal nga iya nalang gitugyan ngadto sa iyang mga kaubanang konsehal ang desisyon kung ila bang tugutan ang STL sa Gensan o dili.
