Gituldukan na sa Maramag Municipal Police Station ang isyu kalabot sa kidnapping sa ilang lungsod.
Sa interview sa RMN Malaybalay ngadto kang Police Major Gil Agpaoa ang station commander sa Maramag PNP gibutyag niini nga human ang ilang halawom nga imbestigasyon, nigawas nga walay kamatouran ang alegasyon sa 17 anyos nga estudyante nga gipugos siya pagpasakay sa pribadong sakyanan gawas sa ilang tulunghaan sa Philippine Countryville College ug gidala sa Cagayan de Oro City kaniadtong Nobyembre 14 ning tuiga.
Matud ni Agpaoa nga walay kidnapping nahitabo niadtong Nobyembre 14 ug bisan pa man niadtong mga nakalabay pang semana.
Sigun sa hepe nga niadtong Sabado nigawas sa imbestigasyon nga walay gikidnap ang mao nga menor de edad.
Saysay niya nga adunay usa ka witness nga taga Cagayan de Oro City ang nitumaw ug nagpamatood nga wala gikidnap ang mao nga lalaki subay sa mga conversation niini sa text.
Mahinumduman nga nigawas sa report nga na-rescue ang maong nga minor sa Cagayan de Oro City human nga nakalingkawas matud pa siya mga kidnappers.
Una nang gibutyag ni Agpaoa nga naghatag alarma sa Bukidnon ang mikatag nga report nga adunay estudyante nga gidagit samtang gitun-an na nila karon ang posibleng legal action human nga nakahatag ug ka-alarma sa publiko ang mao nga gi-alegarang kidnapping incident.
