Isyu sa pagkolekta sa malata nga basura, giklaro sa City ENRO

31

Gihimakak sa City Environment and Natural Resources kon City ENRO Malaybalay ang isyu kalabot sa dili na pagkolekta sa mga malata nga basura sa siyudad.

Sa interview sa RMN Malaybalay ngadto kang Ma. Anita Fernandez, ang head sa CITY ENRO gipaklaro niini nga dili tinood nga dili na kolektahon ang malata nga basura.


Gipasabot ni Fernandez nga padayon ang koleksyon sa biodegradable o malata nga basura.

Matud niya nga ila lang gipasa ngadto sa barangay level ang pagkolekta niini.

Sigun ni Fernandez nga dugay na niyang gisulutan ug gipa-andam ang mga barangay sa koleksyon sa mga malata nga basura.

Gipahayag pa niini nga tuig 2017 pa niyang gipahibalo ang mga barangay opisyales sa ilang responsibilidad ilawom sa Republic Act 9003 kon Ecological Solid Waste Management Act of 2000.

Facebook Comments

From Advertisers