General Santos City— Gina-kwestyon ang moralidad ni Police Senior Superintendent Romeo Ruel Berango, acting city director sa General santos City Police Office human migawas ang alegasyon nga sumala pa aduna siya’y laing karelasyon nga susamang pulis.
Sumala kang Gensan City Councilor Atty. Jeng Gacal, ang chairman sa peace and order nga ilahang imbestigashan ang maong akusasyon. Apan iyahang gipaklaro nga in aide of legislation ang himuong imbestgasyon ug dili aron nga sila ma-priso.
Dugang pamahayag ni Kagawad Gacal nga sa karon wala pay schedule kung kanus-a himuon ang imbestigasyon ngadto na sa kapulisan. Lakip sa ilahang concern mao ang pagpahigayon ug imbestigasyon sa extra judicial killings ingon man ang kaso sa pagkawala sa 19anyos nga lalaki nga si Philip Bacudo.
Pag-angkon niya nga maka-alarma gyud ang akusasyon nga mga pulis ang responsable sa pagdagit sa nasangpit nga batan-on.
