Isyung pamulitika, gihimakak sa CSWDO kabahin sa pamaskong handog sa Malaybalay City

35

Giklaro karon sa City Social Welfare and Development Office (CSWDO) sa dakbayan sa Malaybalay nga walay sagol pamulitika ang pagpang-apod-apod sa “Pamaskong Handog” Program.

Kini ang giklaro ni Ivy Amor Urbina, CSWD officer sa dakbayan sa Malaybalay atol sa interview sa RMN DXMB.

Sumala ni Urbina nga adunay mga indicators sa pagpili sa mga benipisyaryo nga nakahan-ay sa bag-ong listahan.


Ang bag-ong listahan ang gipagawas sa City Planning and Development Office sa Malaybalay basi sa 2020 Malaybalay Intergrated Survey System.

Dugang ni Urbina nga ang mga opisyales sa kada Barangay maoy nag-identipikar sa mga makadawat nga mga benipisyaryo nga nakita nga informal settler, low income status, no appliances, solo parent, Persons with Disabilities (PWD’s) ug uban pa.

Maong paghimakak ni Urbina nga walay halong politika ang pamaskong handog program matag tuig tungod kay nagadepende sa listahan ang mga makadawat nga benipisyaryo.



Muabot sa 27, 599 ka mga benipisyaryo ang matunolan sa “Pamaskong Handog” sa dakbayan sa Malaybalay karong tuiga.

Facebook Comments