iFM Laoag – Manarimaan ti panangipatpatungpal ti Department of Agrarian Reform – Ilocos Norte ti Information Technology-Enabled Maturity Assessment wenno ITeMA kadagiti narway nga Agrarian Reform Beneficiaries Organizations wenno ARBOs iti probinsia.
Ti ITeMA ket sistema a pinutar ti DAR babaen ti information technology tapno ma-monitor ti “maturity level” wenno nagdur-asanen dagiti ARBOs.
Babaen iti IT system, makita dagiti rumbeng pay a mapasayaat iti operasion dagiti ARBOs. Daytoy ket tapno maammuan met ti DAR no ania pay dagiti programa ken proyekto a masapul nga iwayatda.
Kuna ni Mr. Rommel R. Aquino, Planning Officer II ti DAR Ilocos Norte, agarup sangagasut ket uppat (104) nga ARBOS ti dumalan iti ITeMA ditoy Ilocos Norte.
Dagiti kameng ti team ti DAR Ilocos Norte a mangipatungpal ti ITeMA ditoy probinsiatayo ket isuda: Planning Officer II Rommel R. Aquino, Agrarian Reform Program Officer I Rodolfo N. Garcia, Agrarian Reform Program Officer I Joseph C. Barut ken Acting Agrarian Reform Program Officer I Erlyn B. Manuel. [Detalye manipud ken ni Mr. Jorge Guerrero]
Bernard Ver, RMN News
