Ya principiya junto na grupo, na fin solo-solo.
Este el cosa ya pasa con el famoso Vice Alcalde Cesar Ituralde despues na su entero vida na pulitica nohay mas le uban yan file su certificate of candidacy para na congreso sin partido.
Pasada alas 10 del aga ya llega si Ituralde na Comelec y dayun ya somete su maga documento con intencion para sinta na congreso.
Asegun con Ituralde ya tene le que corre na mencionao posicion solo-solo sin partido despues ya abandona conele el su maga uban na partido y grupo que ta encabesa el Alcalde Beng Climaco Salazar.
Nohay largo explanacion si cosa gayot ya pasa porque ansina el resulta.
Pero nohay man tamen larga sentimiento si Ituralde con el grupo masquin ansina man ya pasa.
Ta aparese nohay conel escuji el alcalde para queda el candidato na congreso na segundo destrito bajo na team amarillo.
Si Ituralde ya principiya su vida na pulitica desde el tiempo ele pa el SK Chairman\/Federation President hasta ya queda le el Capitan del Talon-Talon y hasta ya entra le consejo local bajo na team colorao hasta ya llega el tiempo ya guinda le na team si Salazar.
