General Santos City—gidunggab sa 16 anyos nga minor de edad ang iyang 23 anyos nga iyaan human kining nasuko dihang siya gisita gumikan sa pagtubag-tubag niini sa iyang kaugalingong amahan sa ilang panimalay sa Purok Matinabangaon, Barangay Labangal, Gensan.
Ang biktima giimang si Rosalie Ocmar, 23 anyos , residenti sa samang lugar. Samtang ang suspek itago lang sa pangalang alias roldan, 16 anyos .
sumala ni PO3 Jun Paderes sa sa Police Station 1 nga nag ugat ang bangi sa mag iyahaan gikan pa sa Olaer Resort human nga gisita sa iyaan ang suspek nga dili mag tubag tubag sa iyang amahan. Apan inay mupatuo nag sige na nuon kini ug pabadlong sa iyang amhan.
Pag uli sa ilang panimalay, wala pa gyud undangi sa suspek ang pagsupak supak sa iyang amahan hinungdan nga subli kining gisita sa iyaan. Apan inay sundon ang iyaan nikuha nuon kini ug kutsilyo dayon gidunggab ang biktima usa ka higayon igo sa iyang paa.
Paspas dayon misibat ang minor de edad gikan sa ilang panimalay. Ang biktima nahimo pang magpatala sa Police Station 2 ayha mideretso sa ospital aron tambalan ang samad nga naangkon.
Gibutyag pa ni PO3 Paderes nga giangkon sa iyaan nga buluyagon gyud ang suspek sa ilang pamilya. Sa karon ginahulat nalang sa kapulisana ng desisyon sa biktima kung iya bang pasakaan ug kaso ang iyang pag-umangnon nga nanunggab kaniya.
