Giparelibuhan sa Director sa Bureau of Jail Management and Penology Central Visayas ,Jail Chief Supt. Arnold Buenacosa ang usa ka jail officer sa Cebu City Jail nga nakapusil ug duha ka mga lalaki nga nisuway sa pagpalusot ug kontrabando sa bilangguan pinaagi sa modus nila nga “fishing.”
Matud ni Buenacosa, bisan ug lehitimo ang gihimo ni JO1 Myron Garcia nga pagpusil sa duha ka mga lalaki nga sila si Arnel Candumay ug Edilbert Edisan , girelibuhan gihapon niini ang jail officer ,subay sa nagpadayong imbistigasyon sa hitabo .
Si Garcia nisurender ug niangkon nga gipusil niya ang duha, human nasakpan niya nga nisuway pagpalusot ug sigarilyo sud sa prisohan pinaagi sa paghigot niini ug pisi ug iitsa ngadto sud sa bilangguan .
Matud ni Garcia napugos siya sa pagpusil tungod kay usa nila ang nanion kaniya ug armas .
Si Candumay anaa sa ospital samtang namatay si Edisan .
