BACOLOD CITY – Pilason ang isa ka Jail Guard matapos ini sya ang luthangon sang riding in tandem pasado alas 3:30 sini lang gid nga hapon sa guwaan malapit sang guardpost sang Bredco Port, Reclamation area.
Ang biktima nga ginabulong sa Doña Corazon Locsin Montelibano Memorial Regional Hospital ang ginkilala kay Jail Officer 1 Jason JP Vargas, assigned sa Handumanan BJMP.
Sa inisyal nga imbestigasyon sang mga kapulisan sa pagpanguna ni P/Chief Insp. Leo Estopa, hepe sang PS2, ang biktima sakay sa iya pula nga Mitsubishi pick-up, paguwa sa Bredco Port sang ini ang ginbantayan kag gintiro sang riding in tandem gamit ang Glock 45 cal. pistol.
Pito ka mga basiyo sang bala ang narecover sa lugar sang insidente.
Ang biktima ang nakadiretso pa sa Hospital agud mapabulong sang pilas nga iya naangkon matapos nga luthangon sang wala makilala nga mga suspetsado.
Samtang nagapadayon pa ang imbestigasyon sang mga kapulisan sang Station 2 kon sin-o ang mga suspetsado kag ano ang motibo sang insidente.
