Sumala ni Adam Rivera, contact tracer, nga hangtud karon wala masayri ang gikahimutangan karon sa usa ka Miyashita ug Alyas Genalyn ug pulos hamtong pangidaron hinungdan nga midangop na kini sa Sasa Pnp sa ingon matabangan kini sa pagpangita sa duha.
Segun ni Rivera nga nakadawat sila og inpormasyon gikan sa taas nga opisyal sa departmento sa panglawas mahitungod sa pagka-posibito sa COVID-19.
Usa ka Ann Solis ang naghatag og inpormasyon labot sa gipuy-anan sa duha apan pag-abot sa usa ka subdivision sa Malagamot Panacan walay nakaila sa duha ug dili usab ma-contact ang cellphone number nga gihatag ngadto sa contact tracer.
Panawagan sa contact tracer ug sa kapulisan nga mutaho dayon kanila kon dunay hapon ug usa ka pinay aron maadtoan ug makarantina ang duha gilayon.
RadyoMaN Joel Viray
