ILOILO City – Gin-ako ni city councilor Jay Treñas nga indi sya experto agud mahibaluan kun bala may anomaliya ang construction sang Iloilo grandstand.
Suno kay Treñas, nagabase lang sya sa mga ginahambal sang iya mga kilala nga nagapamangkot sa balor sang proyekto.
Pahayag ni Treñas nga possible nakulangan lang ang syudad sa pagpaathag sa estado sang proyekto.
Gin-ako ni Treñas nga nagakuha pa sya sang bahin sang mga kaupod kun bala kinahanglan nga dal-on gid sa konseho ang isyu.
Una nga naglapta ang mga rerklamo nga indi kuntento sa kadakuon sang proyekto nga nagabalor sang P45 million.
Subong man gin-athag sang city engineer’s office nga indi pa human ang proyetko bangud ginhingagaw lang ini para sa dinagyang festival 2019.//via Joel franco reports
Photo from web
