*Piñan, ZDN-Kasakit ug kaguol karon ang gibati sa drayber sa sakyanan nga pampasahero human naapil ang iyang apo ug kamatay human nadisgrasya ang gimaneho niini nga sakyanan niadtong adlawng sabado, octobre 26, 2019.*
*Matod pa sa driver nga si Monceto Collado, kalit lang wala mihawid ang preno sa iyang gimaneho nga sakyanan samtang nagbahada didto sa may brgy. Dilawa, Piñan, ZDN.*
*Didto na misutoy paubos ang sakyanan ug maayong pagkabalintong niini, sakay ang dili mo ubos sa napulo ka pasahero.*
*Tungod sa kakusog sa pagkasukarap sa sakyanan, maayong pagkapungil sa duha ka ligid sa likod nga bahin.*
*Wala usab kaabot sa balay tambalanan ang pasaherong si Tascion Maghinay, 75 anyos human na grabehan sa maong hitabo.*
*Gibutyag usab ni PMsgt. Derwin Elopre sa Piñan PNP nga nianang pagkagabie gibawian sab sa hinulamang kinabuhi si Jayford Balili 19, apo sa driver human nakaangkon ug daghang bun-og sa lawas*
*Wala nagdahom ang dirver nga mahitabo kadto tungod kay adlaw-adlaw man niyang susihon ang brake sa dili pa mo pasada.*
*Ang mao nga pampasaherong jeep, naila kini sa tawag ng Bagundol Lines, nga byaheng Osemeña-Dipolog.*
