Sa interbyu sa DXDC RMN Davao kang Police Staff Sergeant Jeymar Rotimas, imbestigador sa Maco Police Station, iyang gisaysay nga gikan sa Barangay New Leyte, Maco ang jeep ug padulong sa Apex Mining Company sa dihang nawad-an og brake ang sakyanan rason sa pagkatumba niini ang hapit nga nahulog sa pangpang.
Gilayon usab nga girespondehan sa Maco Quick Response Team ang insidente ug gilayong gidala sa Mawab Community Hospital ang mga biktima nga nakaangkon lamang og slight injuries.
“Nawad-an daw og brake. Mao ‘to nga na-overshoot sila sa curve lane. Unya mao ‘to natumba several times ang ilang gisakyan nga jeep,” saysay sa imbestigador.
Pahimangno sa awtoridad sa mga motorista o sa mga nagamaneho nga kanunay nga i-check ang kondisyon sa ilang sakyanan aron malikayan ang susamang insidente.
RadyoMaN Kirby Manzon
