Sa interbyu sa DXDC RMN Davao kang Wenefredo Cagape, Officer-In-Charge (OIC) President sa CCD, as of 3:00PM kagahapon, July 4, 2023, aduna nay 98 ka applicants for admission ang eskwelahan, human gisugdan ang on-site application for new enrollees niadtong July 3, 2023 nga mahuman sa July 14, 2023.
“Ang ilang concern is about atong certificate of indigency ug certificate of low income. Ang CSWDO (City Social Welfare and Development Office) ang ilang iisyu dili ‘tong certificate of low income kundili certificate of indigency ug certificate of eligibility lang. So far, ang mga estudyante nakakuha pud sila,” sulti ni Cagape.
Gibutyag ni school official nga tungod kay limitado pa lang ang classrooms, anaa pa lang sa 320 ka estudyante ang kayang ma-accommodate sa pagkakaron sa School 2023-2024.
Pagahimuon ang Screening Period sa July 17-July 19, 2023; July 20-July 21, 2023 ang Releasing of Notice of Admission; July 26-July 28, 2023 ang Enrollment Period ug sa August 7, 2023 ang pagsugod sa klase.
RadyoMaN Kirby Manzon
