General Santos City–Over loading ug pasahero ang usa mga migula sa imbestigasyon sa Traffic Management Unit Gensan nga hinungdan sa pag kahulog sa usa ka de pasaheroang jeep sa Prk Balakayo Barangay Olympog ning syududad, alas 7:00 pasado ang takna sa buntag niadtong milabay nga Sabado.
Sumala pa ni Police Staff Sergeant Limuel Aves, ang imbistigador sa Traffic Management Unit nga ilang nasayran nga subra-subra ang sakay sa nahisgutang jeep nga gimanihuan sa usa ka Francis Lorenzo Solicito, 25 anyos nga nanimuyo sa Cannery Site, Polomolok, South Cotabato.
Dugang pa niini nga gawas sa sobra ka puno ang jeep slide usab ang dalan sa maong higayon hinungdan nga sa pagpanaug matud pa nila gikan sa Sanchez Peak posibleng na walaan kini ug break hinungdan nga mideretso ngadto sa pang-pang.
Samtang swerte man usab nga walay nagrabihan sa 31 ka mga pasahero sa kaong jeep kung asa sagad matud pa kanila ang nakagawas na sa balay tambalanan ug minor nga mga samad lang ang angkon tungod sa maong disgrasya.
Anaa nalang sa 4 ang nagpabilin karon sa balay tambalanan nga gi-ila nga silang Erica Bucton, 17 anyos nga nakaangkon ug samad sa ulo nga na confine sa Doctors Hospital, Cassel Jan Ababon, 16 anyos nga nakaangkon ug samad sa wala nga bahin sa abaga, Aaliya Penida 16 anyos nga nakaangkon ug samad sa abaga nga parihas na confine sa St. Elizabeth Hospital ug ang driver nga si Solicito nga naconfine man usab sa Dr. Jorge Royeca Hospital.
Sa karon ginaandam na sa kapulisan ang mga kinahanglanon ugaling magdisyson ang mga pamilya sa mga nabiktima sa maong disgrasya nga magpasang-at ug kaso sa nahisgutang driver.(Dave Silagan)
