General Santos City—Kritikal ang kondisyon sa usa ka Jeepney Driver human kining gipusil sa wala pa mailhing suspek alas 6:40 ang takna sa gabie sa may gate nga bahin sa Malesido Homes, Barangay San Isidro, Gensan.
Biktima giilang si Arnel Pansacala,43, residenti sa maong subdibisyon. Sa inisyal nga imbistigasyon sa kapulisan nasayran nga padulong na unta mag grahe ang biktima sa jeep nga iyang gimanihuan apan pag abot sa gate nga bahin sa Malesido Homes, siya gipusil sa suspek igo sa likod sa iyang ulo.
Paspas nga misibat ang suspetsado sa wala sayring lugar, samtang ang biktima paspas nga gidala sa Mindanao Medical Center.
Basi sa pahayag sa mga nagdala sa biktima sa ospital, nasulti pa sa nasangpit kung si kinsa ang buot maglekida kaniya. Sa karon nagpadayon pa ang gihimong imbistigasyon sa kapulisan kalabutan sa insidenti.
