BACOLOD CITY, Negros Occidental – Gilayon nga nadakpan ang isa ka jeepney driver nga suspek sa pagpanglugos sang isa ka menor de edad nga bata nga babaye kagapon sa Barangay Felisa, Bacolod City.
Ang suspek ginkilala kay Maynard Bagallo, 22 anyos, residente sang Barangay Taculing, syudad sang Bacolod kag isa ka jeepnety driver.
Suno sa imbestigasyon, sadtong Miyerkules, Marso 27 sang gab-i kun sa diin ginhagad pa ini sang suspek nga magkadto sa Barangay Felisa sa iya tiyo agud mag-inom inom. Sang nahubog na ang biktima, didto natabo ang gin-alegar pagpanglugos sang suspek.
Matapos makapanugid ang biktima sang natabo sa iya, gilayon nga ginpangita ang suspek kag ini ang nadakpan kagapon sa Barangay Felisa kag detained na karon sa Police Station 10. /rcsg
