Jeepney driver, patay human gidunggab ug gipusil kaganihang kadlawon

39

Patay ang usa ka jeepney driver human kini gidunggab ug gipusil sa wala mailang suspect kaganihang kadlawon.

Ang biktima nailang si Ronald Quizon, 39 anyos nga taga Phase 2-B, Sitio Calaanan, Barangay Canitoan ning syudad.


Nasayran nga paingon sa Carmen market ang maong biktima sakay sa iyang gimanehong pampasaherong jeep sa dihang kalit lang gidunggab ug gipusil sa wala mailang suspect.

Nakitang nagbuy-od ang biktima sulod sa Talakag liner kung asa ang biktima daling gidala sa JR Borja General Hospital apan gideklarang dead on arrival.

Nakaangkon sa igo sa kili-kili ug dughan ang biktima nga maoy hinungdan sa iyang kamatayon.

Sa karon, padayon pa ang imbestigasyon sa kapulisan ug pag-ila sa mga suspect.

Facebook Comments

From Advertisers