Naangol ang usa ka pamilyahan human nalimbuwad ang ilang gisakyan nga jeep ngadto sa bung-aw sa Sitio Saging Barangay Luka, lungsod sa Oslob ,habagatang Sugbu.
Gikan nga nangaligo sa Tumalog Falls ang mga biktima ug padung nang mamauli dihang nawad-an ug control sa sakyanan ang drayber nga si Allan Tuñacao Jr. nga taga Lapulapu City ug natagak sila sa mabaw nga bung-aw .
Kapin sila sa 20 ka tawo sakay sa jeep apil na ang drayber ug pulos taga dakbayan sa Lapulapu ug lungsod sa Cordova .
Ang drayber ug mga pasahero pulos na-angol ug gidali pagda sa Oslob District Hospital apan gipapauli ra usab dayon human sila gitambalan.
Facebook Comments
