Genertal Santos City–Hustisya karon ang gipangayo ni Aurora Cariaga ang asawa sa gipusil patay nga si Barangay Rubber, Polomolok no. 2 kagawad Jemuel Cariaga, 42 anyos, Chairman sa Committee on Peace and order ang Police Matter, alas 8:00 sa buntag sa Purok 4, sa samang barangay.
Sumala pa ni Aurora nga gikan sila sa ilang panimalay og moadto na unta sa brgy.aron motrabaho, apan midretso una sila sa munisipyo gumikan duna silay gikuha.
Sa ilahang pagbalik duna matud pay nagsunod sunod kanila nga duha ka tawo nga nakasakay og motorsiklo dihang paduol na ang mga suspek sa magtiayon kalit giposil ang kagawad sa walay daghang estorya sa makadaghang higayon.
Paspas nga misibat ang mga suspek samtang ang biktima, gidala pa sa ospital sa pamasin nga masalbar pa ang kinabuhi apan gedekla kining dead on arrival sa attending physician.
Dugang asoy sa asawa nga daghan ng bahad ang nadawat sa iyang bana apan wala siya nakahibalo kung si kinsa nga mga tawo ang nagpadala ug bahad.
Gipaklaro usab niini nga usa sa iyang gilantaw nga motibo mao ang trabaho sa iyang bana isip kagawad kansa naghupot sa komitiba sa peace and order nga aktibo usab sa kampanya batok illegal nga droga.
