General Santos City— dako ang kalipay nga gibati ni Jennifer Dalquez, ang OFW nga una ng nakalingkawas sa death row human nga siya makapauli na sa dakbayan sa Gensan milabay’ng semana.
Sumala niya nga nabaliktad ang desisyon sa korte human nga makumbinsing ang iyahang among lalaki maoy unang naghimo sa krimen ug igo lang niyang gidepensahan ang iyahang kaugalingon.
Pamahayag niya nga tuig 2017 pa unta siya makagawas sa prisuhan apan gumikan sa kasong kawat nga gipasang-at kaniya, nadugangan ug usa ka tuig ug tunga ang sentensya kaniya.
Dugang pa ni Jennifer nga ayha nahitabo ang insidente, nagplano na siyang mupauli sa dakbayan ayha magbag-ong tuig kung asa iyaha untang i-surpresa ang iyahang pamilya.
Apan pipila ka adlaw ayha kini mupauli na unta sa nasud, gipaduty kini sa iyahang amo, ug didto na nahitabo ang pagpatay niini human nga siya gisuwayan ug lugos.
Una matud pa siyang nadunggaban kung asa naningkamot matud pa siya nga makabalos ug iyahang nailog ang kutsilyo rason nga iyahang nadunggaban ang nahisgutan nga miresulta s apagkamatay niini.
Samtang gibutyag ni Jennifer nga sa karon, daw sa mahadlok na kining mubalik ug panarbaho gumikan sa iyahang kasinatian apan dili niya masulting dili na kini mutrabaho abraod gumikanamgdepende matud pa kini sa ilahang sitwasyon.
Sa karon matud pa, gihatagan ni ug kwarta sa pipila ka mga ahensya sa gobyerno isip puhunan sa iyahang sudlon nga negosyo.
Dako man usab ang iyahang pagpasalamay kang presidente roidrigo duterte gumikan sa tanyag kaniya nga trabaho.
