Grande el esperanza que fuede ya utiliza con el renovao Joaquin Enriquez Memorial Sports Complex (JFEMSC) na segundo quarter del venedero año.
Este el rogamiento del chairman del Committee on Sports Development del consejo honorable Elbert Atilano.
Na entervista del RMN Zamboanga, si Atilano ya habla cay na su mas reciente visita na grandstand, ya dale positivo palabra el Aleman contractor del rubberized track installation cay fuede sila acava el instolasyon de mas pronto tiempo si coopera lang el condicion del tiempo, porcausa cay no fuede instola con el mga goma si porjemplo malo el tiempo.
Fuera con el track oval, siguiditos ya tambien el ongoing rehabilitation works na mga bleachers, escusao, mga field goals del cada juego que ta fuede conduci na grandstand, fuera ya lang con el football field porcausa cay ta espera pa tambien el llegada del importao sacate para instola na lugar.
Si ta acorda, hay pricura man bid el Ciudad de Zamboanga por el conducta del siguiente Regional Meet aqui na ciudad pormedio del facilidades del nuevo renovao JFE grandstand *– Bhong Simbajon/RMN News*
