Davao City – Angayan ang gibuhat ni National Capital Region Police Office (NCRPO) chief C/Supt. Oscar David Albayalde sa pagbisita sa mga presinto sa milabayng adlaw diin nakasakop kini og mga natulog nga pulis sa kapanahonan sa ilang pagpanerbisyo.
Gikanayon karon ni Volunteer Against Crime and Corruption (VACC) chairman Dante Jimenez sa interview kaniya sa programang ‘Straight to the Point’ nga dugay nang pamatasan sa kapulisan ang pagtulog samtang on-duty kini.
“Isa lang yon sa madaming mga abuso at hindi magagandang gawain ng ibang kapulisan,” sumala ni Jimenez.
Gi-awhag usab sa mamahimong Anti-Corruption Commision sa Duterte administration nga ang matag Regional Director sa PNP nga himoon ilang trabaho ilabina ug tabangan sila si NCRPO C/Supt. Albayalde ug Philippine National Police (PNP) Director General Ronald dela Rosa nga mabalik ang pagsalig sa katawhan ngadto sa kapulisan.
RadyoMaN Jason Amisola
