May pagahiwaton nga job fair kag may igahatag nga emergency employment ang Department of Labor and Employment ukon DOLE sa una nga adlaw sang nagahilapit nga pagpasira sang Boracay sa maabot nga Abril 26.
Ini bilang kabahin sang bulig sang gobyerno sa linibo nga maapektuhan nga mga nagatrabaho sa isla.
Suno kay DOLE region 6 Asst. Regional Director Salome Siaton, sunod nga pagahiwaton ang jobs fair sa maabot nga mayo 17.
Suno sa iya nga madamo sila sang pagadal-on nga employer sa nasambit nga job fair agud makahatag sang employment oportunities sa mga ma-displace nga mga workers sa boracay.
Dugang pa ni Siaton nga magahatag man ang DOLE sang emergency employment para sa 5 mil ka mga informal sector workers kag sang indigenous people sa Boracay nga Magaumpisa sa Abril 27.
Ang mga mabaton sa sulod sang 30 ka adlaw ang daku nga bulig sa himuon nga rehabilitasypn sang boracay.
