Magpahigayon ang siyudad sa Malaybalay ug usa ka job fair karong umaabot nga Martes, Hunyo 18 ning tuiga.
Sa interview sa RMN ngadto kang Raul Valmores, ang provincial director sa Department of Labor and Employment kon DOLE Bukidnon gibutyag niini nga ang maong job fair alayon sa Independence Day nga gisaulog dili pa lamang dugay.
Ang mao nga job fair ipahigayon sa Freedom Park, sa Barangay 4 ning siyudad nga pasiugdahan kini sa local government unit kon LGU Malaybalay.
Alayon niini gi-aghat sa DOLE ang publiko nga nangita ug trabaho nga pahimuslan ang mao nga job fair.
Matud ni Valmores nga atol niini adunay 31 ka mga kompanya local ang muapil ug 15 ka mga recruitment agencies nga nagtanyag ug trabaho abroad. Kasagaran matud pa sa mga pwedeng applayan sa gawas sa nasud mao ang domestic helper, ug mga skilled workers.
Gitambagan niini ang mga mo-apply nga magdala ug application letter, resume, ug magsuot ug pormal.
