Job Order Employee Patay matapos nga Maghikog

Job Order Employee Patay matapos nga Maghikog
Dead on the spot ang isa ka Job Order Employee sa Banwa sang T’boli, South Cotabato matapos nga maghikog alas 9:20 sang nagligad nga gab-i sa sulod sang iya balay sa Purok Maligaya, Barangay New Dumangas, T’boli, South Cotabato.
Nasapawan na lang ang biktima nga ginkilala kay Vanree Dela Cruz, 26anyos, may asawa Job Order sang Municipal Environment and Natural Resources Office ukon MENRO sa munisipyo sang T’boli, sang iya sini asawa nga ginkilala kay Luggen Lugan Gepulanggo, 22anyos pareho residente sang nasambit nga lugar nga nakabitay na sa sulod sang ila balay gamit ang lubid nga ginhigot sa iya nga leog.
Sa karon nagabapilin na ang bangkay sang biktima sa punerarya sa Banwa sang Surallah.
Kaangot sini, ginpahayag ni Police Chief Ins. Ramil Villagracia, Hepe sang T’boli MPS, wala naman sila sang nakita nga motibo sa paghikog sang biktima bangud wala naman ini sang problema sa iya pamilya kag ubra.
Nauna tulog suno pa ang asawa sang biktima bag-o pa ang insidente kag nakibot na lang suno pa ini sang makita nga naghikog ang iya bana, sa pihak nga wala naman ini sang nabatian nga ginahog sa sulod sang ila balay.
Samtang wala naman sila sang nakita nga foul play sa insidente.