General Santos City–Blangko pa ang mga kaila ug kabanay sa usa ka Julius Estrebor, 35 anyos, usa ka bading, lumad nga taga Palimbang, Sultan Kudarat, ug residenti sa Phase 3, Agan Homes, Barangay San Isidro, Gensan sa motibo sa pagpamusil patay kaniya alas 3:00 pasado ang takna kagahapong adlawa.
Una nang gipusil patay ang biktima sa wala mailhing mga suspek nga nakamotorsiklo samtang kini nagbaktas pauli unta sa iyang panimalay sa may Agan Homes.
Sumala ni Tarhata Sabiwang, kabanay sa biktima nga usa ka buotan ug walay libog ang nasangpit nga biktima.
Wala usab silay nasayran nga adunay nakabingkil ang nasangpit dinhi sa Gensan bisan paman didto sa ilang lugar.
Dugang pagbutyag ni Sabiwang nga adunay daghang negusyo ang biktima dinhi sa Gensan ug nagapautang usab kini ug kwarta ngadto sa iyang mga kaila.
Sa karon nagpadayon ang gihimong imbistigasyon sa Police Station 4, kalabutan sa insidenti.
