JOB WELL DONE | Culminating and awarding sa TaskGroup Capiztahan 2018, ginpatigayon kahapon nga adlaw

6

Roxas City, Capiz- Ginpatigayon sa Capiz Gym ang culminating and awarding ceremony sa TaskGroup Capiztahan 2018.
Kalakip sa nagtambong amo mismo ang regional director sang PRO-6 nga si Police Chief Supt. Cesar Hawthorne Binag.
Ginahatagan sang Medalya ng Kasanayan ukon PNP Medal of Merit sanday PSSupt Samuel Nacion, Supt. Robert Petate, Supt. Supt Dante Tayco, Supt Ferdinand Dordas, Supt Kim Legada, kag tanan nga mga hepe sang kapulisan sa Capiz bangud sa pagpadala sang mga augmentation forces para sa Capiztahan 2018.
Samtang ginhatagan man sang pagkilala sa ila kontribusyon ang pamunoan sang Brgy. Baybay, Tiza, Brgy. XI, Brgy. I, Banica kag Lawaan.
Sa iya mensahe, ginapanginbulahan kag ginpasalamatan ni General Binag ang tanan nga katapo sang kapulisan nga nangin kabahin sang TaskGroup Capiztahan 2018. Ang mga ini ang may dako nga papel sa diin napabilin kag napaluntad ang kalinong kag katawhay sa mga venue kun sa diin ginapatigayon ang aktibidad.
Suno pa diri, nangin dako man nga bulig ang “Major Events Security Frameworks” nga naggamit na sa pila ka mga dalagkoan nga kahiwatan sa Western Visayas kaangay sang ASEAN Summit, Dinagyang, Panaad, Ati-atihan kag iban pa.
Nagtapos ang ginpatigayon nga culminating kag awarding ceremony sa mga katapo sang Taskgroup Capiztahan pinaage sa isa ka boddle fight.
**(photo: Aksyon Tabang Pdrrmo Capiz)**

Facebook Comments