TACLOBAN CITY – Ginpirmahan na han Dept. Of Labor And Employment (DOLE) ngan Tacloban City Government an Memorandum Of Agreement (MOA) para han implementasyon Han Jobstart Program ha syudad.
Sumala kan DOLE Regional Director Cyril Ticao, ini nga programa in makakabulig ngadto ha mga kabataan para hiton ira training ngan internship programs.
Mapapailarom an mga kabataan ha napulo kaadlaw nga life skills training,tulo kabulan nga technical training ngan tulo kabulan nga work experience ha mga establisyemento ha Tacloban.
Mayada allowance nga 200 pesos kada adlaw an mga kabataan nga ma-under go ha training, baga na gihapon hin may trabaho ngan nasweldo an mga kabataan.
Sumala Han Public Employment Service Office (PESO) Tacloban, 100 slots iton mayada yana para hini nga programa sanglit ginpapakadto ha PESO Tacloban an mga kabataan para mag-inquire.
Yana nga Hunyo mangangarawat hin aplikante an PESO Tacloban.
Kinahanglan 18-24 anyos an pangidaron; atleast high school graduate, not employed, naeskwela dapat ngan andam mag-undergo han training. Bis waray work experience in pwede makasulod hini nga programa.
