Nag-viral dayon ug nag-trending ang picture nila John Lloyd Cruz ug Bea Alonzo nga magkauban sa Palawan.
Gi-post sa usa ka fan ang picture niya kauban sila Bea ug Lloydie sa Barotuan Church sa Palawan last Tuesday ug pila ka oras lang ang milabay, hot topic na kini sa internet.
Walay eksplenasyon kung nganong kuyog ang duha. Murag bag-o pa kuno ang picture tungod sa “ermitanyo look” sa aktor.
Nagkaguliyang ang mga fans sa kanhing magka-love team. Halata kuno nga gimingaw ang fans sa duha tungod kay naa’y mga comment nga reunion project dapat para sa duha. Apan ang uban, gipuna ang istura sa aktor nga hugaw kuno tan-awon.
Sa picture, wala na kunoy makitang trace sa pagka artista ni Lloydie, or dili na siya artista ug itsura. Ordinaryo na kuno kayo tan-awon ang aktor samtang si Bea kay artistang-artista ang dating. Maalaan na gani kuno si John Lloyd nga fan ni Bea.
Bisan paman sa mga comments, ang importante happy si JLC sa iyahang ordinaryong kinabuhi karon.
