*General Santos City—- Padayon ang ginahimong joint investigation sa militar ug kapulisan human makit-an ang tulo ka mga improvised explosive device kon IED gawas sa usa ka simbahan sa Lambayong, Sultan Kudarat.*
*Sumala kang Major Arvin Incenas, tigpamaba sa 6th Infantry Division nga ang pagkarekober sa maong mga IED ang resulta sa impormasyon gikan mismo sa kumyunidad.*
*Pamahayag niini nga ilahang ginatutukan ang maong insidente ug padayon ang pawagan sa publiko nga magopakabana sa pagbantay sa palibot.*
*Dugang pamahayag ni Major Incenas nga ilaha pa karong ginasuta kung unsa nga grupo ang responsable sa pagbilin sa maong ied gawas sa simbahang katolika sa Sultan Kudarat.*
*Lakip matud pa sa ilahag gina-imbestigahan ang motibo sa pagbutang sa maong bomba.*
*Apan dako ang ilahang pagtuo nga usa lang kini sa mga ginahimong aktibidad sa teroristrang grupo nga nagalihukan sa ilahang area of responsibility hilabina nga sunod-sunod ang operasyon nga ginahimo sa militar.*
