Davao City- Hugot nga nagmonitor ang City Disaster Risk Reduction and Management Office (CDRRMO) sa tanang kasubaan sa dakbayan sa Davao sa nasinating pagdaot sa panahon tungod sa Bagyong Jolina.
Gimanduan ni CDRRMO chief Alfredo Baluran ang tanang Barangays ilabina ang mga nahimutang sa landslide and flood prone areas nga mag-alerto.
“Ginabantayan nato ug ginakuha nato ang status didto sa ibabaw. Ang tubig nga muabot diria sa ubos ginamonitor nato na from time to time,” sumala Baluran.
Naka-andam na ang tanang mga responders ug mga kahimanan kung kinahanglang muresponde.
Segun ni Baluran, gawas sa mga existing evacuation sites gi-require usab ang tanang mga Barangays nga magdugang pa og mga areas nga kahiklingan sa mga residente aron maobserba gihapon ang social distancing sa mga maapektuhan sa mga emerhensiya.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
