Sa labing unang higayun nakighinabi sa Media dinhi sa dakbayan sa Butuan si Jose Maria Sison, ang founder sa Communist Party of the Philippines – National Democratic Front of the Philippines (CPP-NDFP) kagahapon sa hapon.
Sulod sa Mazau resort nakig-estorya si Sison sa media pinaagi sa skype direkta didto sa The Netherlands diin siya naka-asylum.
Pipila sa mga gihisgutan atol sa press conference ang isyu sa West Philippine Sea, ang pag-uli sa giingung ill-gotten wealth ni kanhi Pang. Ferdinand Marcos, ang peace talk ug daghan pa.
Sa isyu sa West Philippine Sea, pabor si Sison nga kinahanglan mapunta sa Pilipinas ang giilogang teritoryo base sa United Nations Convention on the Law of the Sea (UNCLOS).
Pabor usab si Sison sa pag-uli sa giingung ill-gotten wealth sa pamilyang Marcos apan kinahanglan siguradoon nga mapatubag gihapon sila sa kasong criminal.
Ang tipik sa pahayag ni Joma Sison, founder sa CPP NDFP sa iyang pag-atubang sa media kagahapon. (photo courtesy JOMA FB ACCOUNT)
