General Santos City–Gikabutyag karon sa incharge sa Jorey Gasoline Station nga nahimutang sa Prk. 3, Barangay Katangawan ning syudad nga wala nay kalabutan ang magti-ayong Apolinario sa maong gasolinahan ug ilaha na kining gipa-arkilahan.
Sumala pa ni Rowena Okamas nga dugay na matud pa nga panahon nga gipa-arkilahan sa unang nanag-iya sa maong gasolinahan ang iyahang pwesto sa kompanya nga sea oil ug mao na kini karon ang gadumala niini.
Samtang gikabutyag man usab niini nga nakurat sila sa nahitabong pag pabuto ug Granada sa wala mailhing mga suspect sa maong gasolinahan niadtong milabay nga adlaw tungod kay wala matud pa sila nakadawat ug bahad nga kini pabuthan.
Nag tuo usab ang nahisgutan nga pagpanghadlok lang ang tuyo sa mga suspect nga nakamotor sa ilahang paglabay ug Granada sa maong lugar tungod kay gi-atul matud pa nila nga wala nay tao sa maong lugar ayha gihimo ang maong pagpabusikad.
Sa karon blangko matud pa sila kung kinsa ang mga suspect nga mihimo niini ug gisalig nalang nila ang tanan sa kalupisan ang imbistigasyon kabahin sa insidenti. (Dave)
