Manila, Philippines – Nahaharap ngayon sa kontrobersiya ang singer na si Jovit Baldivino matapos ang break-up nila ng kasintahang si Shara Chavez.
Kasunod ito ng kumalat na larawan ni Jovit kasama ang isang babae na ipinost mismo ni shara sa kanyang facebook.
Kwento ni Shara, nagkakilala si Jovit at ang babae sa isang event noong June 3 kung saan umakyat ng stage ang babae at simula noon ay pinuntahan na siya ng singer.
Naging magkasintahan si Jovit at Shara noong September 2015 at July 2016 nang isilang ang kanilang anak.
Nangako pa raw si Jovit na pakakasalan siya nito pagkatapos ng birthday ng anak nila pero ngayon, mismong ang singer na ang nagsabing hindi na sila magkakabalikan.
‘Ni hindi rin aniya nag-sorry sa kanya si Jovit.
Sa ngayon, tikom pa rin ang bibig ng singer tungkol sa isyu.
DZXL558
