Davao City – Nag-overheat nga electrical motor ang hinungdan sa sunog sa usa ka junk shop (waste material recovery facility) sa Sitio San Miguel, Barangay San Isidro, Bunawan District, Davao City alas-12:30 kagahapon sa udto (Enero 29, 2021).
Kini ang gibutyag sa Bunawan Bureau of Fire Protection (BFP) sa interbyu sa DXDC RMN Davao.
Gibutyag ni Investigation chief sa Davao City Fire District Senior Fire Office (SFO) 3 Ramil Gillado sa DXDC RMN Davao nga anaa sa P30,000 ang damyos sa sunog diin involved ang mga waste nga mga ligid.
Wala usay casualty o injured sa sunog nga na-fire out alas-2:15 sa hapon, apan kini miresulta sa huot nga dagan sa trapiko sa Bunawan area ning dakbayan.
Padayong panawagan sa BFP nga kanunayng mag-amping ug mag-igmat labi na karong panahona aron kalikayan ang insidente sa sunog ug kanunayng ikonsidera ang matag adlaw isip ‘Fire Prevention Day’.
RadyoMaN Kirby Manzon
