Davao City – Dili tanan makapanarbaho sa unang batch sa mga gradwado sa Senior High School ilawom sa K-12 academic system.
Sumala ni Larry Jhonel Potenti, usa ka bag-o nga nigradwar sa K-12 sa tulonghaan sa University of Mindanao nga sayang ang panahon sa iyang pagtuon sanglit wala man niya nagamit ang iyang natun-an kay wala siya makatrabaho.
Matud pa ni Potenti nga dili pa hitsas ang mga nakahuman og K-12 graduates kun itandi sa nakahuman og kolehiyo rason nga duna pay kakulangon sa ilang natun-an sama sa mga subject nga gipangtudlo nga mga basic pa lamang.
Nagtoo si Potenti nga ang prayoridad sa gipangdawat sa trabaho ang nakahuman og kolehiyo tungod kay mas isangon sa mga potential employers ngadto sa nakahuman og college.
Apan alang kang Noeme Llamit, usa ka estudyante sa K-12 sa San Pedro College nga nagdepende sa tulonghaan og dili pareho ang mga standards sa ilang pagpanudlo ngadto sa mga Senior High School sama na lamang sa ‘work immersion’ nga dili magpareho ang pagpatuman niini.
Giingon ni Llamit, base sa iyang obserbasyon sa iyang mga classmate ug schoolmate, sa kadaghan nga nakahuman og K-12 sa unang batch nga mas daghan ang mipadayon sa ilang pagtuon sa kurso nga ilang gikuha ug sagad usab sa nag-apply nga Senior High School ang wala gidawat sa dagkung kompaniya rason nga kulang ang ilang pagka-degree holder.
RadyoMaN Don Pulayao
