Andam na unang batch sa mga graduates sa K to 12 program nga musulod ug trabaho.
Sa interview sa RMN Malaybalay ngadto kang Ralph Quirog, ang chief of the curriculum and instruction division sa Deped Malaybalay gibutyag niini adunay tulo ka epekto ang pagpatuman sa K to 12 nga naglangkob sa pagnegosyo, kolehiyo ug trabaho.
Matud ni Quirog nga ang mga mo-graduate sa ilawom sa technical-vocational-livelihood (TVL) track, o ang grupo nga wala nay plano pang magpadayon sa kolehiyo nabaid aron ipailawom sa trabaho sama sa welding, automotive, cooking ug uban pa.
Andam na usab daw nga magtrabaho ang uban pang mo-gradwar sa K to 12 program, kung gustuhon niini.
Gawas niin, gitudluan usab daw ang mga estudyante unsaon sa pagnegosyo ug gi-andam ang ilang pagpadayon sa kolehiyo pinaagi sa mga track o strands nga ilang gitun-an ilawom sa mao nga programa.
Samtang sa interview sa RMN ngadto kang Melody Fair, usa ka human resources officer sa usa ka foreign company gibutyag ninii nga adunay mga trabaho nga mamahimong sudlan bisan ug wala pa naka gradwar sa kolehiyo susama na lamang sa online job diin gikinahanglan lang nga computer literate ug adunay maayo nga communication skills.
Samtang sa interview sa RMN usab ngadto kang Luie Propia, magtutungha sa Bukidnon National High School ug mo-graduate sa K to 12 programa gibutyag niini nga andam na siyang musulod sa usa ka trabaho kung gustuhon niya tungod kay kauban na sa ilang curriculum ang work-related immersion nga gikuha nila sa 80 hangtod 300 oras.
Apan alang kaniya mupadayon usab siya sa pagtungha sa kolehiyo ilabina nga aduna nay free higher education nga balaod nga pwede niyang pahimuslan.
