Davao City – Anaa na sa luwas nga kahimtang ang numero unong leader sa NPA nga si Zaldy Cañete alayas Ka-Jinggoy human kini makahiagom og samad-pinusila atol sa nahitabong engkwentro niini tali militar nahitabo sa Don Carlos, Bukidnon.
Kini maoy gibutyag ni 1003rd Infantry Brigade commander Brig. Gen. Ernesto Torres atol sa AFP-PNP Press conference karong adlawa kinsa mibutyag nga nagdeploy na sila og tropa sa Don Carlos Doctor’s Hospital aron maseguro ang kaluwasan ni Ka-Jinggoy.
“We support the efforts para siya maka recover para sa gayon ay mabigyan sya ng sapat na lakas para masagot ang mga pinaparatang sa kanya,” sumala niini.
Dugang ni Torres, adunay 12 ka mga kaso ang gipatong batok kang Ka-Jinggoy diin pipila niini ang simple theft, robbery, murder, ug arson bahin atong nahitabong pagsunog sa Lapanday Food Corporation diin mokabat sa 1 billion ka pesos ang damyos ug miresulta sa pagkamatay sa usa ka fish vendor nga si Larry Buenafe.
Gani sumala ni Davao City Police Office (DCPO) City Director P/Senior Supt. Alexander Tagum nga adunay witness nga naka-identipika nga si Ka-Jinggoy ang nangulo sa pagsunog sa nasangpit nga establisemento.
Kahinumdoman nga nagkaengkwentro ang rebeldeng NPA ug tropa sa 1003rd IB nga midugay og kapin duha ka oras.
Sumala ni Torres nga nakakuha sila og impormasyon nga adunay mga samdan nga NPA sa maong hospital diin naglusad sila gilayon og operasyon sa koordinasyon sa Philippine National Police bitbit ang standing warrant of arrest resulta sa pagkasikop niini kaniadtong May 12, 2018.
RadyoMaN Jason Amisola
